2021年8月22日 低醣增肌減脂計劃 day21
琴日放假得閒又煮咗好多好好味嘅低醣餐，都話放假先至有心情煮好嘢食😛瞓醒突然間想食三餸飯，平時自選啲三餸飯係賣飛佛，今日我決定自己煮，雞粒豆腐+涼瓜炒蛋+清炒椰菜=飽足😋😋
.
晚餐突然間又好想食燒賣，大家見我之前直播鯨吞100粒燒賣就知道我係一個燒賣控😝😝不過呢個階段都係忍下，因為無論係一般點心嘅蒸燒賣定係魚肉燒賣入面嘅脂肪含量都比較多，我突然間靈機一族諗起之前仲有啲大豆腐皮，同埋咁啱有啲雞扒響度，於是我就整咗三款唔同口味嘅燒賣，分別就係西芹紅蘿蔔口味，泡菜口味同埋原味，用腐皮包真係幾似喎😋😋😋止到燒賣癮，我仲包咗好多粒第二日帶飯添啊！有機會教大家包吖😜😜
.
晚餐加多一碗紅菜頭雜菜湯就完結！
Search